08.12.15 14:09
سلطة المكرونة والفاصوليا على الطريقة الإيطالية
المقادير:
½ كيس مكرونة مسلوقة ومصفّاة
½ كوب زيتون أخضر مقطّع شرائح
2 ملعقة كبيرة أوراق ريحان طازجة
3 ثمرات طماطم مقطعة شرائح رفيعة
¼ كيلو فاصوليا خضراء مسلوقة ومصفاة
½ حزمة بقدونس مقطعة قطع صغيرة جدا
¼ كوب جبنة بارميزان مبشورة
ملعقة كبيرة فلفل أسود
2 ملعقة كبيرة مسطردة
3 فصوص ثوم مفرومين
2 ملعقة كبيرة خل
¼ كوب زيت زيتون
الطريقة:
1- لتحضير صوص السلطة اخلطي فيه المقادير التالية مع بعضها؛ وهي: الخل والمسطردة والثوم والفلفل الأسود وزيت الزيتون، وقلّبيها كلها مع بعض كويس.
2- هاتي طبق كبير، وحطّي فيه المكرونة وضيفي عليها نصف كمية الخليط السابق وقلّبيها كويس مع بعض.
3- بعد كده حطّي الفاصوليا الخضراء والطماطم والزيتون، ورشّي عليها باقي الخليط السابق، وبعدين حطّي أوراق الريحان والجبنة البارميزان والبقدونس وغطّي الطبق ودخّليه التلاجة لمدة ساعة، وبعد كده خرّجيه وقدّميه
وبالهنا والشفا...
