08.12.15 14:09
السلام عليكم ورحمه الله وبركاته
اهلا بكل الزوار من الوطن العربي من المحيط الى الخليج وحبيبتكم العسوله داليا جايبلكم شوية نكت عن الحب
يارب تنال اعجابكم ان شاء الله
واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه
يا حبيبي؟" قالها: "بأبحث عن تاريخ إنتهاء العقد.
************************************************** **
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه.. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجة: "إيه الورقة اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه!! الزوج: "خير يا بنت الحلال في إيه تاني؟؟" الزوجة: "حصانك على التليفون"
************************************************** **
نساء العالم اتحدن وقررن أن لا يقوموا بأي أعمال في المنزل وبعد أسبوع تجمعوا ليعرفوا النتائج إلاضراب..
فقالت الزوجة الفرنسية "أنا قلت لجوزي ميشيل أنا مش هعمل حاجة في البيت الأسبوع ده كله" وقالت "أول يوم ما شوفتش حاجة تاني يوم ما شوفتش حاجة تالت يوم بدا يغسل ويمسح" وقالي "أنتي بتتعبي أوي يا حبيبتى".
وقالت الزوجة الانجليزية "أنا قلت لجوزي أنا مش هعمل حاجة خالص فى
البيت الأسبوع ده.. أول يوم مشوفتش حاجة تاني يوم بدا يعمل الأكل تالت يوم عشانى وغدانى برة.
جت المصرية وقالت "أنا قلت لأبو العيال أنا مش هعمل حاجة في البيت
الأسبوع دة" وقالت "أول يوم ما شوفتش حاجة تانى يوم ما شوفتش حاجة
تالت يوم بدأت أشوف شوية بعيني الشمال."
************************************************** **
مرة واحدة قالت لجوزها "إهدي يا حبيبى كده وارجع زي زمان"، الراجل طلقها ورجع لأيام العزوبية
************************************************** **
واحد بيقول لمراته... أنا النهاردة عايز رومانسية في البيت... راحت الزوجة سألت أمها: يعنى إيه رومانسية؟؟ الأم: مش عارفة بس احتياطي إنقعي الرز.
************************************************** **
مرة دكتور دخل عنبر في سراية المجانين لقى واحد بيخبط دماغه في الحيطة سأل الممرضة ماله ده؟ قالت أصله كان بيحب واحدة ومتجوزهاش دخل العنبر اللي بعده لقى واحد بيضرب نفسه بالشبشب قالها وده ماله قالتله أصل ده اللي أتجوزها..
