08.12.15 14:09
البشرة الحساسة هى البشرة التى تعانى من حساسية مفرطة و تتفاعل بصورة مبالغ فيها (بصورة غير عادية) عند التعرض لعوامل مختلفة سواء كانت داخلية او خارجية.
ما هى اسباب البشرة الحساسة؟
يا اما يكون ربنا خلقنا كده زي مثلا الجلد التأتبي الجاف دول عندهم حساسية و احيانا حساسية البشرة بيبقى شيء مكتسب عند التعرض لعوامل داخلية مثل التغيرات الهرمونية ( الدورة الشهرية او انقطاع الطمث) و التوتروالزعل أو اذا كانت هذه العوامل خارجية (مثل التعرض لأشعة الشمس أو الرياح أو العطور)أو عند تناول بعض الاطعمة زي الاطعمة الحارة و تغير درجات الحرارة أو ازالة الشعر بطرق الازالة المختلفة و أيضا بعد الاجراءات التجميلية البسيطة مثل التقشير الكيميائى و الليزر.
ما هى نسبة حدوث البشرة الحساسة ؟
دايما بنقول نسبة البشرة الحساسة فى ازدياد مستمر نظرا للعوامل الخارجية المختلفة مثل التلوث و الاتربة وغيرها وتم عمل دراسة فى بريطانيا على 3300 سيدة و حول البشرة الحساسة و كانت النتيجة هى 62% من السيدات يعانين من البشرة الحساسة و 10% يعانون من بشرة شديدة الحساسية.معنى كده ان نسبة البشرة الحساسة عالية و فى تزايد و يقال ان كل 10 سيدات خاصة اصحاب البشرة الفاتحة اللون الرقيقة 9 منهم بيقولو ان بشرتهم حساسة و بنتعرف عليها عن طريق احساس الوخز او السخونة او الاحمرار اللى بيصاحب البشرة عند التعرض للعوامل اللى ذكرناها.
ازاى نعرف ان بشرتنا حساسة او لا؟
من الاعراض اللى دايما بتصاحب البشرة الحساسة زي الالتهابات المستمرة و الاحمرار و الاحساس بالحكة و الوخز و الشكشكة فى الجلد و احيانا جفاف البشرة و الاعراض دي غالبا بتحصل نتيجة تعرض لعوامل داخلية او خارجية زي ما قولنا قبل كده.
