08.12.15 14:09
2 ثمرة بروكلي طازجة
علبة جبنة شيدر مبشورة
علبة كريمة خفق أو قشطة
2 ملعقة كبيرة دقيق
3 كوب شوربة فراخ
2 ملعقة كبيرة زيت
ملح وفلفل
كوب لبن
الطريقة:
1- شوّحي الدقيق مع الزيت على النار في طاسة لغاية ما لون الدقيق يبقى دهبي فاتح، وبعد كده ضيفي اللبن تدريجيا، مع الاستمرار في التقليب علشان الخليط مايكلكعش منك، وسيبيه على نار هادية لغاية ما قوامه يبقى سميك شوية، وبعد كده ضيفي عليه شوربة الفراخ، واستمرّي في التقليب لغاية ما الخليط يبقى متجانس وقوامه.
2- اغسلي البروكلي وفكّكيه من بعضه، وحطّيه في شوية ميه مغلية مخلوطة مع بعض نقاط من عصير الليمون لمدة دقيقة واحدة.
3- صفّي البروكلي من الميه وضيفيه على الشوربة، وسيبيهم على النار لغاية ما الشوربة تغلي، وبعد كده ضيفي عليها الجبنة الشيدر.
4- في الآخر ضيفي القشطة أو الكريمة للشوربة، وقلّبيهم مع بعض على النار لغاية ما الجبنة تدوب، وبعد كده ارفعيها من على النار وتبّليها بالملح والفلفل، وقدّميها.. وبالهنا والشفا.
